Inui:it Danmarkimi immikkoortortaqarfittaarpoq

- Bent Thorningimut, Alex Kragh Jensenimut Martin Thinggaard Madsenimullu, tamarmik Thy Datasimasumi imminnut ilisarisimareersunut Nunatsinnilu sullitaqartarsimasunut, isumaqatigiissuteqarfigisinnaaneri nuannaarutigaarput, pisortaq Jesper Tørnkvist tusagassiorfinnut nalunaaruteqarluni taama oqarpoq.

 Pisortap aamma oqaatigaa suliffeqarfiup matumani siunertarigaa inu:itip piginnaasaanik suliaasalu pitsaassusaannik annertusaanissaq.

 
Inu:it Nunatsinni 50-it sinnerlugit sulisoqarpoq, suliffeqarfiullu suliai pingaarnerit tassaapput IT-mut atortorissaarutinik oqarasuaatinullu aaqqiissutinik, kopiliornermut printerinermullu aaqqiissutinik tuniniaaneq kiffartuussinerlu kiisalu aamma internettimik tuniniaasuulluni. Inu:it 1996-imi tunngavilerneqarpoq.
 
Suliffeqarfiup immikkoortortaqarfittaavata IT-mut atortulersuutinut aaqqiissutinik danskit suliffeqarfiinut tuniniaanissaq pingaarnertut suliariniarpaa.

Bent Thorningip, Alex Kragh Jensenip Martin Thinggaardillu Danmarkimi inu:itip immikkoortortaqarfittaavata aallartisarnissaata peqataaffiginissaanut qilanaarput.
 
- Inu:itimi sutigut tamatigut suleqatigiinnerup naleqarnerulersitsinissaa tunngavigalugu sulivugut. Tamannalu inuit atassuteqatigiinnerisigut sivisuumillu suleqatigiinnerisigut pitsaanerpaamik anguneqarsinnaavoq. Siunnersortitut sulinitsinni sullitavut ukiorpassuarni sullitarisimavagut, isumaqatigiissutinillu eqquutsitsisinnaaneq pissarsiariuminarnerlu sullitat pisariaqartikkaat pingaaruteqarluinnartoq nalunngilarput!