Inuiattut ullorsiornitsinni ataatsimoorneq pillugu ingerlaaqatigiinnissaq
Tassa Nuummi ingerlaaqatigiinniarput, ataatsimuualaarnerullu nuannersortaa taamaalillutik nuannaarlutik nalliuttorsiutiginiarlugu. Ingerlaaqatigiinnissamut kikkut tamarmik tikilluaqqusaapput, amerlasuullu nuannaaqataallutik takkunnissaat neriuutiginerarlugu.
- Peqataalluartoqarnissaa neriuutigaarput, illoqarfitsinnilu assigiinngiiaassutitta nalliuttorsiutigineqarnissaanut taamaalillutik peqataallutik. Illoqarfippummi Kalaallit Nunatta sinneranut sanillersuutissagaanni illoqarferujussuuvoq, innuttaasullu assigiinngiiaaqalutik. Innuttaasummi nunat allamiorpasuupput, isikkumikkut, ilinniarsimassutsimikkut soqutigisamikkullu assigiinngiiaaqalutik. Taamaammat allaanerukannersumik ingerlaaqatigiilerutta sapinngisamik inuit amerlanerpaat peqataaniassammata kikkut tamavimmik tikilluaqquagut, ingerlaaqatigiinnissamut aaqqissueqataasut ilaat, Inge Olsvig Brandt oqarpoq.
Taamaammat peqataajumallutik piukkoortut tamarmik atisat nuannarinerpaasatik atikkersoriarlugit, erinarsortagannaatik, nipilersuutinnaatik inuunermilu nuannaartariaasertik nassataralugit peqataanissaat kaammattuutigineqarpoq. Ingerlaaqatigiinneq Katersortarfiup silataani nal. 15.00 aallartissaaq, silapilussappalli ingerlaaqatigiinnissaq unitsiinnarneqarsinnaanera oqaatigineqarlunittaaq.
