Inuiattut ullorsiornermi sakkortuumik unammilersut
- Siunertaraarput inuiattut ullorsiornermi taamatut unammisitsisarnissarput. Maannamut 15-it peqataaniarlutik nalunaarput neriuppugullu nalunaarnissamut killigitinneqartoq juunip 15-iat nallertinnagu suli amerlanerit nalunaarumaartut. Unammineq tamaat peqataaffiginianngikkaanni unammeriaatsit ataasiakkaat peqataaffigineqarsinnaapput. Unammersuarnermili ajugaasuussagaanni unammeriaatsit arpanneq, qajartorneq cykkilernerlu peqataaffigisimasariaqarput, aaqqissuisuniit John Olsen oqarpoq.
Upernaarumaataarneratali aaqqissuisut ernumaammertillattaavai, sapaatip akunneranulli tullermut silaqqinnissaanik ilimasaarutit neriulersitsipput unammineq sioqqullugu arpaffissami aput tamarmik aakkumaartoq.
- Sakkortuumik unammisitsineq ukiormanna unammitsinitsinni siullersaassaaq. Maniitsoq Marathon septembarip aallaqqaataani ingerlatissavarput tassanilu toqqarneqarsinnaasut ilagaat 21, 10 aamma 4,2 kilometer, John Olsen oqarpoq.
Aaqqissuussat annerusumik uani atuarneqarsinnaapput: www.mes21.com