Inuiattut Ullorsiornermi Nuummi pisussat
Nuummi inuiattut ullorsiornerput aallarnerlugu nalunaaqutaq arfineq pingasut qeqqanut Rådhusimit Nuutoqqamut ingerlaaqatigiittoqassaaq. Nuutoqqami Nuuk byorkester aamma tambourkorps nipilersussallutik, erinarsortoqarluni qamutilittartoqassallunilu.
Arfineq pingasut qaangilaarneranni borgemesterip tullia siulleq Anda Uldum oqalugiareerpat, peqatigiiffiit erfalasulisartut siuttoralugit domkirkemut ingerlaaqatigiittoqassaaq.
Ullaap tungaani, nalunaaqutaq qulinut, Imarsiornermik Ilinniarfik annaassiniartarnermik sungiusarnermik nuutoqqami takutitsissaaq.
Nalunaaqutaq aqqanermut Naalakkersuisut siulittaasuat Aleqa Hammond Namminersornerulernerup ukiunik 35-nngortorsiorneranut aamma namminersornerup ukiunik tallimanngortorsiorneranut atatillugu oqalugiassaaq.
Kulturimut naalakkersuisoq Nick Nielsen nersornaasiissaaq. Nersornaasiinerit oqalugiarnerillu akunnilerlugit erinarsoqatigiittoqartassaaq erinarsoqatigiillu erinarsussallutik.
Tamakkua saniatigut NUIF-imi, Nuummi eqqumiitsulianut katersugaasivimmi, Uumasut Ikingutaannit, gigtertut peqatigiiffiannit takutitsisoqassaaq, ulloqeqqatalu qaangernerani qatanngutigiit Elsnerikkut nipilersussapput, nalunaaqutarlu ataatsimut nipilersornermik ilinniarfimmeersut Amisuni nipilersussallutik. Arsaannermik unammisoqassaaq Katuamilu taallanik atuaasoqassalluni.
Ualikkut Inuit pinngutaannik takutitsisoqassaaq, illoqarfimmi arpannermik timersornermillu aaqqissuussisoqassalluni, ualikkullu aaqqissuussinerit naggaserlugit sisamat eqaanni NAIP-meersut isiginnaartitsissallutik.
Sila ajussagaluarpat pilersaarutit Inussivimmut nuunneqassapput.
