Ineqi Kielsen: Inuiaqatigiit oqariartuutaat tusaavarput
Siunnersuut innuttaasunit aalassaataaqisoq tunuartinneqartoq naalakkersuisooqatigiit partiivinit, tassa Siumumiit, Inuit Ataqatigiinniit Partii Naleqqamiillu ullumi nalunaarutigineqarpoq.
– Inuiaqatigiit oqariartuutaat ilaatigut tusaagatsigu aamma Naalakkersuisooqatigiit ullaaq naapinneranni taana inernilerparput tassa ilaquttamik nassarsinnaanneq ukiumut marloriaq taana siunnersuut illuatungilerlugu massakkut inissisimalernissarput, Ineqi Kielsen Siumumeersoq taama oqarpoq.
Partiit naalakkersuisuutitaqartut Siulittaasoqarfiullu Inatsisartuni siunnersuummik saqqummiusseqqusisimasut taassuma siuttuuffigialuarpai.
- Uagorpiaavoq inuiaqatigiit akornanni meeqqanik sumiginnaanerup unitsinneqarnissaanik immikkut pingaartitaqartut, isumaqarpugullu suliffitsinni takutittariaqarlugu taamatut isummersimanerput, naalakkersuisooqatigiinni partiit siunnersuut sapaatit akunnerata siuliani siullermeerneqarmat taama oqarput.
AAMMA ATUARUK Naalakkersuisoqatigiit isumaat allanngortoq
Kingornali innuttaasut 4000-init amerlanerusut siunnersuummut akerliullutik atsiorsimapput. Tamannalu naggataagut tusaaniarneqarpoq.
- Siunnersuutip siullermeernerani ilalersimagaluarparput, inuiaqatigiit tusaaniarnerini massakkut isumarput allanngortopparput aamma oqariartuut taana demokrati iluani isumaqarpunga peqqinnartuuvoq, Ineqi Kielsen oqarpoq.
Inatsisartuni ilaasortat ilaqutaasa akiliunneqarlutik Nuummukartinneqarnerannut 230.000 koruunit siorna aningaasartuutigineqarput.
AAMMA ATUARUK Politikerit akiliunneqarlutik angalasarnerinut akerliullutik atsiortut 4000-it sinneraat