Inuiaqatigiit naartusinnaanngitsunut periarfissat oqallisigisariaqarpaat
Allattoq Jokum Nielsen
Kalaallit Nunatsinni arnanut naartulersinnaanngitsunut ikiorsiisinnaaneq kikkunnulluunniit neqeroorutaanngilaq. Oqallisigineqartariaqarporli, Peqqinnissamut naalakkersuisoq oqarpoq.
Tallimanngorpat folketingimi aalajangerneqassaaq arnanik meerartaarsinnaanerup tungaatigut inatsisitigut assigiinngisitsineq unitsinneqassanersoq. Aalajangerneqassaaq Arnat kisermaat kiisalu arnat arnaqatiminnik ilaqartartut meerartaarniarnissaminnut ikiorserneqartarnissaat ammaanneqassanersoq.
Asii Chemnitz Narup isumaqarpoq ikiorsiisinnaanissaq oqallisigineqartariaqartoq, apeqqutaasariaqarnanilu angajoqqaajusut arnaqatigiittuunersut.