Filmiliortartoq Emile Hertling Péronard aamma ilitsersuisartoq Inuk Silis Høeghip Ánorâk Filmimeersut.Assi: Angu Motzfeldt

Inuiaat Isaat Nuummut nuukkaat

Tele-Postip qarasaasiakkut toqqorsiveqartitsineq pillugu Ánorâk Film isumaqatigiissuteqarfigaa, Tele-Post taama allappoq.

Ánorâk Filmip nittartagaa, Inuiaat Isaat, nunatsinnit filmilianik katillugit nal. ak. 20-t sinnerlugit imaqartoq taamaalilluni Tele-Postip serveriata ataaniilerpoq filminillu suli amerlanerusunik ilaartorneqarsinnaanngorluni, Tele-Post taama ilisimatitsivoq.

Nittartakkamik pilersitsisuusut, Emile Hertling Péronardip aamma Inuk Silis Høeghip, piviusulersaarusiaminnut - Sumé - Mumisitsinerup Nipaanut - filmitoqqanik 1950-ikkunnit 70-ikkunnut immiunneqarsimasunik pissarsiorsimapput.

Tamannalu filmiliarpassuarnik pissarsiaqaatigaat, taakkulu ilarpassui filmimi atorneqanngitsoorput. Tamannalu piviusulersaarusiortut Emile Hertling Péronardip Inuk Silis Høeghillu uggornartissimavaat.

AAMMA ATUARUK Oqaluttuarisaanerput paasisaqarfigissallugu soqutigisorujussuuarput

Taamaammat nittartagaq "Inuit Isaat" pilersippaat immiussallu tassunga iliorarneqarlutik, nittartagarlu taanna Tele-Postip serviata ataanut maanna inissinneqarpoq.

Piviusulersaarusiortullu iluarisimaarinnipput.

- Toqqorsivik immersortuassavarput aammalu inuit namminneq filmiliaannik toqqortanik tamanik katersiuarnissarput pingaaruteqarpoq. Kalaallit Nunaata ineriartorneranik tamakku oqaluttuartuupput, aammalu inunnut ataasiakkaanut tunngasuullutik, qanilaassusermik ilumoortumillu takutitsisuullutik, Tele-Postimut taama oqarput.

AAMMA ATUARUK Filmitoqaasivik nutaaq

Telellu pisortaanerata Søren Lennert Mortensenip isumaqatigiissuteqartoqarnera nuannaarutigaa.

- Suliniummik taamatut ittumik ikiorsiisinnaanerput Tele-Postimi tulluusimaarutigaarput. Toqqorsivik taanna kulturikkut oqaluttuarisaanermik takutitsiviuvoq aammalu internettimi takusassaqarnerulersitsivoq. Toqqorsivik aamma assorsuaq soqutigineqarpoq, Tele-Post tusagassiorfinnut nalunaarummini taama allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat