Internettikkut peqquserlunniarsinnaasut politiinit mianersoqqussutigineqartut

Suliamut attuumassuteqartut Qaanaami, Qasigiannguani Ilulissanilu pisuupput, illoqarfinnimi taakkunani Facebookimik atuisut kvik-lånimik, tassa aningaasanik atorniarnissamut, neqeroorfigineqarsimapput, attaveqarnerit siulliit Messengerimeersuusimariarlutik e-mailinut attaveqartoqartarsimavoq.

Facebookkikkut peqquserlunniarlutik attaveqartut namminersortutut aningaasanik atorniarfiusinnaallutik nalunaartarsimapput, innuttaasullu attavigineqarsimasut aningaasanik atorniannginnerminni aallarniutaasumik aningaasanik akiliuteqaqquneqartarsimallutik.

AAMMA ATUARUK Red Barnet advarer om uhyggeligt internetfænomen

Sulianili pineqartuni peqquserlunniartuunerusut politiit nalunaarutigaat, politiillu sapinngisartik tamaat suliat misissorpaat, sulialli ilaasa nunanit allanit aallaaveqarsinnaanerat pissutigalugu peqquserluttut nassaarineqarnisaat ajornakusoorsinnaavoq.

Taamaattumik Kalaallit Nunaanni politiit kaammattuutigaat, innuttaasut Messengerikkut e-mailikkullu atorniarnissamut attaveqarfigineqarunik mianersussasut. Politiit aamma kaammattuutigaat peqquserlunniarlutik saaffiginnittut Facebookimut nalunaarutigineqartassasut.

Kalaallit Nunaanni politiit taama mianersoqqussummik nalunaaruteqarput.

AAMMA ATUARUK Angajoqqaat meeqqami internettikkut sulerisarnerannik ilisimasaqannginnerat ernumanartoq

Peqquserlunnissaq anguniarlugu saaffiginnissimasinnaasunik pasitsaassaqaraanni, Messengerikkut "atornerluineq" aqqutigalugu nalunaarutigineqarsinnaasoq, politiit ilisimatitsissutigaat.

Ataanilu tamanna takuneqarsinnaavoq:

Konkurrence og Forbruger Styrelsen Ugguuna