IT pillugu siunnersuisoqatigiit ukioq-manna siullermeersumik ataatsimeeqqammerput. Siunnersuisoqatigiillu inuiaqatigiinni malugineqarnerunissaa anguniarusuppaat.
IT pillugu siunnersuisoqatigiit isumaqarput, innuttaasut IT-mik atorluaasinnaanerannik tapertaasinnaallutik.
IT pillugu siunnersuisoqatigiit aalajangiuppaat naalakkersuisunut inassutiginiarlugu TELE-p internetimut akigititai appartinneqartariaqartut.
Taamaatut iliortoqarneratigut inuit internetimik atuinerulernissaat anguneqarsinnaassammat.
Siunnersuisoqatigiit aamma kissaatigaat inuiaqatigiit kalaallit IT pillugu paasissutissinneqartarnerat annertunerulersinneqarlunilu aaqqissuunneqartariaqartoq, taamaaliornikkut IT atorlugu periarfissarpassuarnik kikkulluunniit pitsaasumik ilisimaqalernissaat periarfissikkumallugu.
Isummersuutit