Internette-mi inunnik nikanarsaasarneq Nuka Bisgaardip akiornialerpaa
Aammali qarasaasiat atorlugit tamat avannamut attaveqaataat ajoqutaasinnaapput. Meeqqat inuusuttullu qangarsuaaniilli atuarfimmi allaniluunniit qinngasaaruttuarnikuupput. Taamaakkaluartorli ima pisoqartarpoq, qinngasaarunnerit ilaat inersimasunit takuneqartarlutik taamaasillutillu iliuuseqarfigineqartarlutik. Qinngasaarunneq atuarfimmiinnaq piunnaarnikuuvoq aammali Facebokkimi pisarpoq, SMS atorlugi imaluunniit mailit. Tamakku inersimasunit takuneqarneq ajorput taamaattumik ersinngitsumik pipput.
Tamanna tunngavigalugu pingaartorujussuuvoq tamatta siunissami meeqqagut oqaluttuuttassagatsigit qarasaasiat atorlugit tamat avammut attaveqaataanni pissusilersorneq pitsaasoq sunaanersoq. Aamma oqaluttuuttassavagut, inersimasumut attaveqartassasut, qinngasaarneqarsimagunik. Imaassinnaavoq namminneq qinngasaarneqartarsimasut kisianni aamma imaassinnaavoq takusarsimagaat allat qinngasaartittut, Nuka Bisgaard oqarpoq.
Atuartut misiginerlutsinneqartut ilisimassavaat kisimiinnatik aamma pingaarpoq qanigisat, ikinngutit ilinniartitisisullu ilinniassammassuk qinngasaarunnerup ilisarnaataanik takunnissinnaalernissaq, qinngasaartittorlu sutigut tamatigut ikorfartorlugu, taassuma imminut isiginera aseroqqunagu. Ataaserli qularnanngilaq; Kalaallit Nunaanni kinaluunniit qinngasaartittassanngilaq akiuiniarnermilu tamatta suleqataasariaqarpugut.
Sulissutigissavara qarasaasiat atorlugit tamat avammut attaveqaataanni qinngasaaruttarneq inuiaqatigiittut akiulissagipput. Siunnersuutigissuara nuna tamakkerlugu iliuusissanut pilersaarusiortoqassasoq, tassani Namminersorlutik Oqartussat ataqatigiissaarisuussapput qinngasaaruttarneq akiorniarlugu suliniummi annertuumi, tamannalu qaammarsaaneq taamaallaat qarasaasiat atorlugit tamat avammut attaveqarfii soorlu Facebookitut YouTubetullu ittut atorlugit ingerlanneqassaaq. Takorloorpara meeqqat oqaaseqartartuat, meeqqat kattuffii, atuarfiit, kommunit aamma qularnanngitsumik allarpassuit suleqataatinneqarsinnaasut, sapinngisamik amerlanerpaat suleqataatikkumallugit, Nuka Bisgaard oqarpoq.
