Internetsimi asserpassuit arsaarinnissutigineqartut
Meeqqanik atoqateqarnermik internetsimi assilisanut atatillugu Spaniami politiit misissuinerminni inuit 60-it tigusarivaat taakkunanngalu 25-t misussuiffigineqalerlutik.
Allattoq Bikki P. Kleist
Nuna tamakkerlugu misissuisoqarmat politiit 200-t misissuinermut ilaapput, qarasaasiamut atortut 180-it, cd-it 1470-it dvd-eerpassuillu arsaarinnissutigineqartut, Ritzau allapoq.
Meeqqanik atoqateqarnermik internetsimi assilisat siaruatsaaliorniarlugit Spaniami politiit meeqqanik atoqateqarusuttartunik ujaasinertik ukiuni kingullerni sakkortusivaat.
Meeqqanik atoqateqarnermik internetismi assilisat qarasaasiamut ujaasissut Hispalis atorlugu atuisut kikkuunersut inuttarsineqarsinnaasarsimapput.