Internetsi atorlugu ataatsimiittalissapput

Qaasuitsup Kommuniani kommunalbestyrelsip qanittukkut ataatsimiinnissaralua 257.000 koruuninik akeqarpoq.

Kommunalbestyrelsini ataatsimiinnerit internet atorlugu ingerlanneqartalerpata

kommunalbestyrelsini ilaasortat ataatsimiinnerni imaqarniliat aamma qarasaasiakkut atsiorsinnaalissavaat. Taamaalillutik angalaarujussuartariaqarunnaarlutik, kommunip aningaasartuutikinnerulerneranik aamma kinguneqartumik.

- Aningaasartuutinut apparsaanermut aamma taanna ilapittuutaasussaavoq, Nunami namminermi naalakkersuisoq Anthon Frederiksen oqarpoq.

Inatsisissaq Kanukokami siulittaasup Enok Sandgreenip iluarisimaarpaa.

- Arlariinnik naapissimagaanni milliuuni aanaararsuuvoq, taamaattumik isumaqarpunga pissutissaqartugut taamatut annertuumik

oqilisaaffigineqarnissatsinnik, Enok Sandgreen oqarpoq.