Internetimik atuisut amerlisikkusunneqarput

IT pillugu Siunnersuisooqatigiit 2005-mi siullermeerlutik ataatsimiinnerminni Naalakkersuisunut siunnersuuteqarput, Tele Greenland A/S inassuteqarfigineqassasoq internet-imut akilersueriaaseq nutaaq eqquteqqullugu, akit appasissut aallakkaasullu atuutilersillugit.

IT pillugu Siunnersuisooqatigiinni siulittaasoq Nukaaraq Eugenius siunnersuuteqarnerminnut nassuiaavoq, inuit internet-imut atuinngitsut amerlavallaartut.

- Internet-imut akiusut inuit ilarpassuinut ernumalersitsisarput, akia nalusaramikku qanoq ilissasoq. Taamaammat siunnersuutigerusupparput soorlu ullumikkut mobilillit Tusass'eqartartut aalajangersimasumik qaammammut akiliisartut, taamatupajaaq ittumik aamma internet-ikkut akiliisoqartalissasoq, massakkulli akileeriaaseq ADSL-itut ittoq atuutiinnarlugu, Nukaara Eugenius oqarpoq.

Nukaaraq Eugenius-ip ilanngullugu oqaatigaa, akileeriaaseq taamatut ittoq atuutinneqalerpat atuisut amerlanerujussuanngussasut inuillu qaammaasaqarnerulerlutik.

SIK-p siulittaasua Jess G. Berthelsen-ip Naalakkersuisunut innersuussutigineqartoq ilalernartippaa, ilaasortatik amerlasuut nunarsuarmi pisunut malinnaanerulernissaat anguneqassammat, qaammaasaallu taamaasillutik aamma annertunerulissammata.

Nunatsinniinnaanngitsoq internet-imut atuinermi akinik allannguisoqarnianngilaq. Danmarkimi aamma oqallisigineqaleruttorpoq, internet-imik atuineq Sverige-minngaanit 50 procent-imik Danmarkimi akisunerunera. Ilisimatusarnermut Ministeri Helge Sander-ip internet-imut akilersueriaatsit misissorneqarnissaat aallartinneqarnissaat piumasaraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat