- Atuartut ilinniartussaagaluarlutik utaqqilussinnartuarput, Ikerasaarsummi atuarfiup pisortaa Stephen Paulli Andersen oqarpoq.
- Meeqqat atuartut internet atorlugu paasissutissanik ujaasitinneqartarnissaat Atuarfitsialaap siunertaasa ilagaat, kisianni internet taama arriitsigitillugu naammagittarnissaq kisiat ilinniartarpaat, naak paasisanik nutaanik pissarsisussaagaluarlutik.
Ilanngullugu nittartakkamut arto.dk-mut atuartut attaveerutsinneqarnerat kukkunerusoq, Stephen Paulli Andersen isumaqarpoq.
- Arto.dk-mik meeqqat atuisarnerminni allannissamut kajuminnerulerlutillu pikkorinnerulerput, taamaattumik tassunga attaveqarnerup atorunnaarsinneqarnera ajornartorsiutaavoq, Stephen Paulli Andersen oqarpoq.
Ajornartorsiut qanoq iliuuseqarfigineqartariaqarpa?
- Sukkanerusumik attavilerneqartariaqarpugut, taamaalillutik atuartut ataatsikkut paasissutissanik aallersinnaalernissaannik periarfissillugit, Stephen Paulli Andersen oqarpoq.