Internet iluaqutigalugu pujortassaarit

Danmarkimi nakorsaataarniat peqatigiiffiata Danmarks Apotekerforeningip, Peqqissutsimut Qullersaqarfiup aamma Kræftimut akiuiniaqatigiiffiup, Kræftens Bekæmpelsep suleqatigiillutik internetikkut programimik ineriartortitsisimapput, taannalu ikiorsiullugu pujortarunnaarsinnaavutit aamma nikotinitortarnerit milliartuaartissinnaavat.

Kræftimut akiuiniaqatigiiffik, Kræftens Bekæmpelse tusagassiuutinut nalunaarummini ima allappoq:

- Pujortartartup sumiiffianut pilluni ikiuisoqartassaaq - inuillu ataasiakkaat ikiorneqarnissamik kissaatigisatik naapertorlugit ikiorneqartassapput. Nittartakkamut www.ddsp.dk -mut nalunaarsimagaanni, sms-ikkut imaluunniit mailikkut ikiuisoqartassaaq.

Ikiuinermi programmip qanoq iluseqarnissaanut sunniuteqaqataassaatit aamma ilinnut naleqquttumik ikiuinermilu ikiuutitut atorneqartussat nalequttut atorlugit neqerooruteqartoqassaaq.

Pujortarunnaarniarluni programi ukiumut 15.000-inik atuisoqartarpoq.