Internet ajutooqqavoq

Internet atorlugu avammut attaveqaatit ajutoorsimammata, avataaniit nunatsinnut attaveqarniarneq ajuvippoq, Tele Greenlandillu tamatuma iluarsinissaa nalunaaquttap akunnerini makkunanerpiaq utaqqiinnarpaa. Dankort aamma atorneqarsinnaanngilaq, kiisalu attaveqaat MPLS, suliffeqarfissuit atornerusagaat, aamma aserortooqqalluni.
januaarip 22-at 2006 12:38

Aserortooqqaneq tassa isumaqarpoq, qarasaasianik nunatsinni atuisartut nunatsinni nittartakkanut taamaallaat isersinnaasut, nunanilli allanit paasisassarsiortoqarsinnaanngilaq.

Kalaallit Nunaaniilli tamanna iluarsineqarsinnaanngilaq, taamaallaat Danmarkimiit, tassa Tele Greenland qanoq ilioriarsinnaanngilaq.

- Unittooqqaavippugut, maanngaanniit susinnaanngilagut, kukkunermi Danmarkimiippoq. Tasamanngaanniit sinerfigitinnissarput pissangalluta utaqqiinnarparput, neriuutigaarput ungasinngitsukkut sianerumaartut oqarlutik, attaveqaatit iluarsisut, Tele Greenlandimi avammut tusagassiisartuugallartoq, Majbritt Didriksen Raal oqarpoq.

Kalaallit Nunaannili internet ajoquteqanngilaq, soorlu uagut nittartagarput www naggat knr naggat gl atorluarsinnaavarsi.

Avammut attaveqarsinnaannginnerput pissutigalugu Radioaviisi aamma naannerulaarsinnaassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq