Inoqajuitsunngoriartortoq unitsikkuminaappoq

Kinami inoqajuitsoq qanoq iliuuseqarfiginngikkaanni ukiut 300-t atorlugit aatsaat unitsinneqarsinnaavoq, Kinap pisortaqarfiani nuimasut ilaat taama isumaqarpoq.
Allattoq Apollo Jeremiassen
januaarip 05-at 2011 07:57

Kinami nunarujussuaq annertusigaluttuinnartoq maanna naatitsivigineqarsinnaajunnaarpoq, sioqqanik qallerneqarsimammat.

- Nuna annertuupilussuaq sioraannanngulerpoq, qanoq iliuuseqarniarnerlu ilungersunarluni, Kinami nunap inuqajuitsunngunnginnissaanut suliniaqatigiiffiup pisortaa, Liu Tuo Ritzau-imut oqarpoq.

Nunap inoqajuitsunngoriartortup taama sukkatigisisumik ingerlanera eqqarsaatigalugu, ukiut 300-t allannguinissamut atortariaqartut, Liu Tuo-p naatsorsorsimavaa.

- Inoqajuitsup akiorniarneranut aningaasaliissutit naammaqqajanngillat, Liu Tuo oqarpoq.

Nunarsuatta kissatsikkiartornerata Kinami ajornartorsiut minnerulersinngikkaa Liu Tuo isumaqarpoq.

- Silap pissusaata allanngoriartornerata nassataraa Kinami panernersuaqalerneq, tamaattoqarneratalu inoqajuitsoq annertuupilussuanngortippa, Liu Tuo oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq