Inoorlaat kissaatigineqanngitsut ilitsiviat Japan-imi

Allattoq Jaaku Lyberth
maajip 17-at 2007 17:25

Meeraaqqanut inoorlaanut ilitsivik Japan-imi illoqarfiup Kumamoto-p napparsimaviani sisamanngormat atorneqatalernissaminut piareerneqarpoq.

Angajoqqaat mertartaatik inoorlaat kissaatiginngikkunikkit nukissaqarfiginngikkunikkilluunniit inoorlaanut ilitsivimmut inississinnaavaat.

Inoorlaat ilitsiveqalernissaannut siunertaavoq naartuersittarnerit ikilisinneqarniassammata, meraaqqallu inoorlaat kissaatigineqanngitsullu tamaanngaannaq qimaannarrneqartartut ikilisinniarlugit.

Inoorlaanut ilitsivik Japan-imi maannakkut aalassassimaarutigineqarpoq, tamatumunnga pissutaavoq, ataatap ernini pingasunik ukiulik inoorlaat ilitsiviannut ilisimagamiuk, aviisi politiken allappoq.

Tamatuma kingunerisaanik Japan-imi tusagassiorfiit aqqutigalugut nukapiaqqap angajoqqaavi piumaffigineqarsimapput ernertik aaqqullugu, nukappiaqqap ilitsivimmut qimaannarneqarnini kingunerlutitsissutigisinnaammagu.

Meeraaqqanut ilitsivik, meeraaqqat inoorlaat ilineqarangaata matusarpoq inimullu kissalaartumut ingerlaqqittarluni. Kinguninngua sianeq sianertarpoq napparsivimmi sulisunut kalerissaarilluni. Taamaalillutik angajoqqaat takuneqaratik qimagunnissaannut periarfissaqartitaallutik.

Nukappiaqqap pingasunik ukiullip inoorlaanut ilivitsimmut qimaarnarneqarsimanera Japan-imi oqallinnermik kinguneqarsimavoq.