Inooqatini savimmik kapigaa
Angut kapineqarnermini puammigut aamma eqqortippoq, Dronning Ingridillu Napparsimmaviani pilatsittariaqarsimalluni. Arnaq Nuup eqqartuussivianut ippassaq sapaammi sassartinneqarami sapaatip-akunnerini pingasuni tigummigallagassanngortinneqarpoq. Suliaq Nunatta Eqqartuussiviata ingerlateqqikkaluarpaa, tigummigallarneqarnissaali eqqartuussiviup allanngortinngilaa. Angutip inuunera navianartorsiorunnaareerpoq.
Nuummi Pollitiit sapaatip-akunnerata naanerani ulapilaarsimapput. Pisiniarfimmi tillinniaq, angut angerlarsimaffeqanngitsoq, 47-nillu ukioqartoq, tallimanngormat ualilluinnartoq tigusarineqarpoq, eqqartuussisunullu arfininngormat sassartinneqarami pisiniarfinni katillugit 32-riarluni tillinniarnerit pineqaatissiissutigisussanngorpai, ullunilu arfinilinni tigummigallagaasoq, Nuummi politiit oqarput.
