Assi: Jørgen Brandt-Klemensen

GUX: Inooqataanermut tunngasut ukkatarineqarnerussapput

Ilinniarnertuunngorniarfiit 2022-p tungaanut iluarsaqqinneranni inooqataanermut tunngasut ukkatarineqarnerussapput.

Ilinniarnertuunngorniarfinnik 2012-imi iluarsaaqqinneq, Ilinniarnertuunngorniarneq pillugu inatsimmik nunatta akisussaalerneraniit siulliuvoq. Amerlanerusut Ilinniarnertuunngornissaq, ilinniartullu siornatigornit angusarissaarnerunissaat, iluarsaaqqinnermi siunertaavoq.

De 15 fokuspunkter i Uddannelsesplan II
1. Perorsaanikkut aqutsineq
2. Perorsaanikkut ilikkarnartulerinikkullu ineriartortitsineq
3. Illup iluani pitsaassusissanik qularnaarisarnernut periaatsit
4. Illup avataani pitsaassusissanut qularnaarisarnernut periaatsit
5. Tunngaviusumik ingerlatsineq
6. Ilinniakkatigut sammiviit (immikkut inissaqartitsisut aamma immikkuullarissumik angusaqarluarniartut)
7. Toqqartuisarneq aamma immikkut ingerlatsinerit
8. Oqaatsit tunngaviusut (immikkut nukittorsaataasunik oqaatitsigut ineriartortitsineq kalaallisut, danskisut aamma tuluttut)
9. Piffissaq ilinniagaqarfiusoq
10. Ilinniartunut ineqarfinni atugarissaarneq
11. Team-ini suleqatigiinneq
12. Ilinniarnermi periutsit
13. Ilinniartunngortitsisarnermi periaatsit (atuisunut akimut ersinnerusut)
14. Ilikkagassatut pilersaarutit tamarmik nutarterneqarneri
15. Ilinniartitsissutinut siunnersuisarnikkut kiffartuussineq

Naalakkersuisut Ilinniarnertuunngorniarfinnik siorna iluarsaaqqillutik ukiunik tallimanik sivisussuseqartussamik aallartipput, tassanili nalilersuisut Epinionimeersut ukiut tamaasa nalilersuisarneri aallaaviupput. 

AAMMA ATUARUK GUX Nuummi unitsitsiinnartarneq akiorniarpaat

Taassuma saniatigut atuarfiit tamarmik, aqutsisut, ilinniartitsisut atuartullu ukiuni tallimani ukkassassanik tikkuartuisimapput.

Iluarsaaqqinnermi qulequttat immikkut 15-it ukkatarineqassapput. Ilaatigut pædagogikki, ilinniartut najugaqarfianni atukkat, immikkullu ingerlatat.

Ilinniarnertuunngorniarfiup aaqqissuussaanera ataatsimut isigalugu ajoquteqanngitsoq, inooqataanermut tunngasortai tusiapittut immikkut isiginiarneqassasut ilinniartitaanermut, kultureqarnermut ilageeqarnermullu naalakkersuisoqarfimmi siunnersortaaneq Jesper Nielsen oqarpoq.

AAMMA ATUARUK Taamaatiinnartoqartaraluartoq nasartaartut amerliartorput

Tassalu Ilinniarnertuungorniarfiup ilinniartut assigiinngiiaarnerusut angusaqarluarnerutissinnaaneraat anguniagassaasoq, iluarsaaqqinnermi allassimavoq.

Ukkatarisassat 15-it saniatigut ilinniarnertuunngorniarfinnik assigiinngitsunik pingasunik pilersitsisoqassaaq. TAasa inersimasunut ukiuni  marlunni GUX-ertineq, nittartakkakkut ilinniarnertuunngorniarneq  kiisalu immikkut pisariaqartitsisunut, soorlu innarluutilinnut GUX-S-imik taallugu atuartitsineq.

AAMMA ATUARUK Ilinniarnertuunngorniarfiit iluatsippat imaluunniit iluatsinngitsoorpat?

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat