Aatsitassarsiornerit nunatsinni aallartinneqarpata, tamanna innuttaasunut annertuumik malunnaateqartussaavoq. Taamaammat, aperisoqarsinnaavoq innuttaasut aatsitassarsiortoqalernissaa pillugu oqallinnernut peqataatinneqarnerat naammannersoq.
Aatsitassarsiorniarnerni innuttaasut tusarniaavigineqartarnerat pillugu KNR piviusulersaarummik aallakaatitsissaaq, tamatumalu kingorna sammisaq pillugu oqallitsitsisoqassalluni.
Piviusulersaarut ICC-mit WWF-imillu aningaasalersorneqarpoq, Naimah Husseinimillu Cecilie Holmimillu suliarineqarluni. Piviusulersaarutip suliarineqarnerani aaqqissuisumik KNR-imit suleqataatitsisoqarpoq. Piviusulersaarutip TV-kkut aallakaatinneqarnissaanut atortunik atuineq Villum Fondenip aningaasaliiffigaa. Aningaasaliisut tassaasuut ICC WWF-ilu piviusulersaarutip qanoq suliarineqarnissaanut akuutinneqanngillat.
Piviusulersaarut pingasunngorpat nalunaaqutaq 19.30-mit 20.00-p tungaanut aallakaatinneqassaaq, taassumalu kingorna politikkikkut oqallinneq ingerlanneqassalluni.
20.00-imit 20.30-mut kalaallisut oqallittoqassaaq.
20.30-imit 21.00-imut qallunaatut oqallinneq ingerlanneqassalluni.
Isummersuutit