Innuttaasut eqeersimaartut aqquserngit aqqi pilersippaat
Ukiuni kingullerni pingasuni Maniitsumi inuttaassunit annertuumik sulerusussuseqartoqarpoq. Inuttaasunillu ataatsimiisitsisarneq ineriartorfiulluni ingerlanneqartartoq maanna suleqatigiit aqquserngit aqqinik nutaanik pilersitsipput.
- Kommuniminnganniit nuannaarutigisorujussuuarput innuttaasut illoqarfimmut iluaqutaasumik suliaassanik assigiinngitsunik suliaqartarnerat. Aqquserngit aqqi nutaat kalaallisut tuluttullu allagartalersorneqarsimapput, taamaalillutik illoqarfimmi najugartut takornariallu paasissutissanik aallerfigisinnaalerpaat. Maanna innutaasut peqatigalugit illoqarfiup assinganik nutaamik kortiliorluta suliaqarpugut, Peter S. Olsen Qeqqata Kommuneanit oqaluttuarpoq.
Aqquserngit aqqisa nutaat ilaat Ole Petersenimik oqaluttuartuuvoq. Ole Petersen ukiut hunnorujulikkuutaat qiteqqunnerata matuma siorna illoqarfimmut pingaaruteqarluni inissisimavoq.
Aqquserngullu aqqata nutaap atoqqaartsinneqarnerani Ole Petersenip kinguaavi pingasut peqataapput. Kingornalu oqaluffitoqqami proffessori soraarneq Robert Petersen qatanngunilu palasi soraarneq Richard Petersen Maniitsoq qanga, ilaqutariillu ukiui hunnorujulikkaani inuusimasut pillugit oqaluttuarlutik saqqummiipput.
-Ole Petersenip ernerisa marluk ataataminnik aataminillu Elias Petersenimik oqaluttuarneranni oqaluffitoqaq tusarnaarianik ulikkaavippoq. Aataat Elias Petersen kalaallit palasit siulliit ilagaat, 1920-ikkunnilu Maniitsumi atorfinissimavoq. Illoqarfiullu oqaluffiani nutaami, tassa Eliap oqaluffianut atsiunneqarsimavoq. Inuttaasut tusarnaariat oqaluttuartut ilisimasanik nutaanik pissarsiaqarfigilluarlugit oqaluffitoqaamit angerlarput, Peter S. Olsen naggasiivoq.
