Innuttaasut arajutsisillugit taasititsipput

Imigassat kimittut 15 procentinik kimittunerit tuniniarneqarnerisa inerteqqutaalernissaat pillugu Ammassallip kommuneani innuttaasut maajip ulluisa 29-anni taasisinneqarmata, innuttaasunit arlalinnit arajutsineqarpoq.
Assi © : Google maps
juunip 12-at 2008 10:45

Taasisitsinermi inernerit suli saqqummiunneqanngillat, tamannalu Ammassallip Kommuneani innutaasut ilaannit eqqumiigineqarpoq.

Taasisitsineq kommuunip allaffiani inuit allattorsiffiani ingerlanneqarpoq, maajip ulluisa 29-anni nalunaaqutaq ullaap tungaani quliniit ualikkut marluk tungaannut. Taamaalinerani inuit amerlanerit sulipput. Taasisitsinissaq sapaatip akunnera ataaseq sioqqullugu illoqarfinmmi nunaqarfinnilu allagarsiinikkut tamanut nalunaarutigineqarpoq. Taamaalinerani innutaasut illoqarfimmiinngitsut nunaqarfimminniinngitsullu taasinissamulluunniit periarfissaqanngitsut qanoq iliorsinnaaanerannik nassuiaasoqarani. Kikkut qassinillu ukiullit taasisinnaatitaanersut aamma paasissutissiissutigineqarani.

Imigassat kimittut tunisaanerisa inerteqqutaalernissaannut taasisitsineq innutaasut ilaannit arajutsilluinnarneqarsimavoq. Borgmesteri Vittus Mikaelsen KNR-imi apersorneqartillugu taasisitsisoqarsimanera innutaasut ilaannit aatsaat paasineqarpoq, Vittus Mikaelsen apersorneqarluni oqarpoq, Ammassallip kommuneani innutaasut amerlanerussuteqartut imigassat kimittuut tuniniarneqartarnerisa inerteqqutaalernissaannut isumaqataanngitsut.

Taasisitsinermi inernerit Ammassallip kommuneanut radioaviisimit paasinarlugu saaffiginnippugut, akissuteqartoqarnissaalu utaqqillutigu.