Innuttaasut akuunngitsut
- KANUKOKA-p nittartagaani oqallittarfimmi kikkulluunniit peqataasinnaapput, siunnersuutinik nassitsisinnaapput, oqarasuaatikkut attavigineqarsinnaavugut, allattoqarsinnaavoq, innutaasunillu ataatsimiititsigaangatta takkussinnaallutik, Hans Peder Christensen oqarpoq. Taassumali innutaasunik ataatsimiititsinerni takkuttartut amerlagisassaannginnerarpai, soorluttaaq nittartakkakkut siunnersuuteqarnissamut periarfissaaq atorneqarpianngitsoq. Eqqoriarpaalu, inuit imminnut sunniuteqartussat ujartornerugaat.
- Taanna maannakkorpiaq akisinnaanngilarput, kommunalbestyrelsinngortussat aalajangeereerpata, aatsaat akisinnaalissaagut.
- Kisianni siunnersuuteqangikkaanni akuunngikkaannilu sunniuteqartoqarunnangilaq. Peqataarusunneq susassaqartuniit soqutigisalinillu akoorusunneq malunarpoq, aamma inuit oqaloqatigigaangatsigit, kommunit katrtunnissaat soqutigigaluarpaat, kisianni akuunngillat, Avannaani Ataqatigiissaarinermut Allaffimmeersoq Hans Peder Christensen oqarpoq.
Kommunit kattunnissaannut atatillugu Qasigiannguit Kommunalbestyresiata innuttaasunik oqallitsitsisarnera suliassaqarfinni ataatsimiisitaliat ingerlattarnerisigut, innuttaasut peqataalluartut, borgmester Jess Svane oqaluttuarpoq.
- Assersuutigalugu teknikkimut ataatsimiisitaliap suliaminut tunngasunik saqqummiilluni oqallitsitsigaangat, inuit tigussaanrsumik oqallisissaqartarput, borgmester Jess Svane oqarpoq.