- Tallimanngornermi iterpunga aalajangereerlunga atsiornernik katersiniarlunga. Ullaap tungaa anivunga atsiornernik katersiartorlunga, isumaqarsimanngisaannaraluarpunga taamaaliorumaarlunga, kisianni sisamanngormat oqallinnerup kingorna misigisimavunga katersisariaqarlunga, Stine Hammeken oqarpoq.Assi: Ane-Marie Petersen, KNR

Innuttaasut akerliussutsimik takutitsiniartut: Qinersisa!

Nipisattassiissutinut suliaq tunngasoq sisamanngormat Inatsisartut ataatsimiinneranni akunnerpaalunnik oqallisigineqarnerata kingorna innuttaasut tatiginnikunnaarput.

Naammaleqaaq, Naammaleqaaq!

Nuummi innuttaasut taama suaartarlutik siorna novembarimi akerliussutsimik takutitsipput. Imigassamut, Cigaritsimut sukkunullu akitsuutit qaffanneqarmata innuttaasut akerliungaatsiarput.

Innuttaasut nutaamik qinersisoqarnissaanik oqariartuuteqarlutik marlunngorpat akerliussutsimik takutitseqqinniarlutik pilersaarusioruttulerput.

Tamatumuuna nipisattassiissutinut suliamut tunngassuteqartumik.

AAMMA ATUARUK Kim Kielsenimut tatiginnikkunnaarnissaq amerlanerussuteqaqqarluinnartut itigartikkaat

Akerliussutsimik takutitsinissamik aaqqissueqataasup, Stine Hammekenip, naalakkersuisut siulittaasuanut Kim Kielsenimut nipisattassiissutinut suliaq tunngasoq tunngavilersuutigalugu tatiginnikkunnaarpoq.

- Nunami siuttuuniaruni aqutsisuullunilu, malittarisassat malittariaqaramigit, inuttulli allatullu, Stine Hammeken oqarpoq.

Akerliussutsimik takutitsisussat marlunngorpat ualikkut sisama qaangerlugu tanneq pingasunut Nuup illoqarfiata qeqqani Amisuni napissapput.

Akerliussut amerlapput

Akerliussutsimik takutitsisoqarnissaani aaqqissuuseqataasup aappaa Birthe Zeeb Pedersenip, oqarnera naapertorlugu peqataasussat qassiussanersut naatsorsoruminaapput.

- Taakku qassiussanersut eqqoruminaatsipparput, kisianni akerliullutik oqariartuuteqartut nittartakatigut amerlapput, akerliussutsimik takutitsinissamik aaqqissueqataasoq, Birthe Zeeb Pedersen oqarpoq.

Kim Kielsenip (S) nipisattassanik qaffaaqataanermi saniatigut umiatsiaminik aalisartumut attartortitsinerani attuumassuteqarpallaarnermut malittarisassat unioqqutinneqanngitsut, eqqartuussissuserisut naliliipput.

Inatsisartut kukkunersiuinermut ataatsimiititaliaata Kim Kielsen sakkortuumik isornartorsiorpaa, Sermitsiaq.ag-p aamma allaaseraa, Kielsenip angallataa inuussutissarsiutigalugu aalisarnermi atorneqartussatut akuerisaanngitsoq.

Inatsisartut sisamanngornermi ataatsimiinnerminni tassunga suliamut tunngasumik akunnialunni oqallipput. Oqallinnerlu akerliussutsimik takutitsinermik kinguneqartinneqartariaqartoq, Stine Hammeken isumaqarpoq.

- Tallimanngornermi iterpunga aalajangereerlunga atsiornernik katersiniarlunga. Ullaap tungaa anivunga atsiornernik katersiartorlunga, isumaqarsimanngisaannaraluarpunga taamaaliorumaarlunga, kisianni sisamanngormat oqallinnerup kingorna misigisimavunga katersisariaqarlunga, Stine Hammeken oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat