Innuttaasut 63 procentii tunuaqqusipput

Namminersornerullutik Oqartussat illuutaannik politikerit qulliunerusut atorfikkaallu akikinaaralutik illusisimanerat naalakkersuisunik ajornartorsiortitsiinnanngilaq. Aammali tamanna inuppassuarnit tatigineqarunnaarnermik kinguneqarpoq.
Allattoq Louise M. Kleemann
maajip 08-at 2008 06:48

Inatsisilerituut arlaannaannulluunniit attuumassuteqanngitsut misissuereerlutik oqaatigimmassuk, illunik tunisineq inatsisinik unioqqutitsinerusoq, taava Nuummi innuttaasut 63 procentii isumaqarput, naalakkersuisut tunuartariaqartut. Tamanna HS Analysep Nuuk TV sinnerlugu qinersisartunik isumasiuinerata takutippaa.

Innuttaasut quliugaangata taakkunannga arfinillit isumaqarput, pineqartup suliarineqarnera ima pitsaanngitsigisoq, allaat naalakkersuisut tunuartariaqaraluarlutik. Maanna inatsisilerituup allap naliliinissaa utaqqineqarpoq, tassa eqqartuussissuserisup naalagaaffimmik sullissisartup naliliinissaa utaqqineqarami, aamma tamatuma saniatigut naalakkersuisut imminnut politiinut tunniutereerput, tassa inatsisinik unioqqutitsisoqarsimanersoq misissorneqarniassammat.

HS Analysep erseqqissarpaa, Nuuk kisimi misissuiffigineqarmat, Nuummilu Inatsisartuni illuatungiliuttut tapersersorteqarluarqarput.

Taamaattumik misissuineq maanna naalakkersuisuusunut nuna tamakkerlugu isummernertut isigineqarsinnaanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq