Innuttaasunik ataatsimiititseqattaarnissat kinguartinneqarput
Kinguartitsinernut pissutaavoq qitiusumik aalajangiisussat - soorlu Inatsisartut - peqataanissaminnut ulapippallaarnerat.
Aatsitsivissap atuutilinnginnerani innuttaasut misissuinernut VVM-imik taaneqartartunut tunngasunut apeqquteqaateqartarsinnaanissaat ataatsimiinnissanut tunngaviuvoq. VVM naalisaataavoq, Vurdering af Virkninger for Miljøet, Avatangiisinut sunniutinik naliliineq.
Innuttaasunik ataatsimiititsineq januaarimi pissaaq. Kinguartitsineq misissuinernut pilersaarutinut aatsitsivissalluunniit ingerlaannarsinnaanissaanut naliliinernut sunniuteqassangatinneqanngilaq. Greenland Development Alcoalu tusagassiuutinut taama nalunaaruteqarput.
Paasiniaaqqissaarnerit naammassineqarneri nittartakkami aluminium.gl-imi ingerlaavartumik atuarneqarsinnaassapput.