Inniminneereersut akiliutimik uterteqqinnissaannut periarfissaqanngillat
Aningaasanik utertitsisinnaannginneq angalatitseqatigiiffiup qularnaveeqqusersinnaanngilaa. Angallannermut aningaasaateqarfik ingerlatseqatigiiffimmi aningaasatigut nammatsisinnaanngitsumi bilitsisisimasunut aningaasanik taarsiisinnaanngilaq.
Allalli piffinnut assigiinngitsunut angalassallutik bilitsisisimasut taarsiivigineqarsinnaapput.
Angalasut qasserpiaat nunami allami uninngasariaqarallarnersut Sterlingip nalunaarutigisinnaanngilaa.
Angalasussat ilaat takussutissamik akileereersut SAS-ip timmisartuutaasa ilaannit ikiorneqarlutik inissaqartinneqarunik angerlartinneqarnissaminnik neqeroorfigineqarsinnaapput.
Sterling timmisartuutileqatigiiffittut ataannarniarluni sapaatip akunneri kingulliit ilungersoqaaq. Islandimi aningaasatigut ajornartoorneq timmisartuutileqatigiiffimmut tapiisinnaajunnarnermik kinguneqarpoq. Sterling siornatigut timmisartuussinissamik nioqquteqartarfittut uuliap akiata qaffannerata kingorna aamma ilaasukilligaluttuinnarnermik ajornartorsiuteqarpoq. Sterling 1.100-t missaannik sulisoqarpoq.
