Innersuussutigineqartut uniorlugit Naalakkersuisut aalajangiisarnerat IA-p qatsuppaa

Inuit Ataqatigiinni ataasialinngilagut malugisarlugu anguniakkat assigiinngitsut pillugit suleqatigiiffilioraangamik, imaluunniit Kalaallit Nunaanni kattuffiit assigiinngitsut peqataatillugit sulisitsigaangamik, innersuussutigineqartut uniorlugit Naalakkersuisut aalajangiisarnerat.
novembarip 15-at 2007 05:33

Taama oqarpoq Inuit Ataqatigiit sinnerlugit Inatsisartunut ilaasortaq, Agathe Fontain, nangipporlu:

-Tamanna keermiaasiit pivoq Piniarnermut Aalisarnermullu Ilinniarfissap sumiinnisaa pillugu aalajangiiniarnermi.

Ilinniarfissaq pillugu suleqatigiissitap innersuussutigaa, Aalisarnermut Piniarnermullu Ilinniarfissap Maniitsumut inissinneqarnissaa, Agathe Fontain allappoq.

-Isumaqatigiissutit akimorluinnarlugit Naalakkersuisut maanna aalajangerput atuarfik taanna Uummannamiissasoq. Ila Naalakkersuisut uppernarnerusariaqalerput. Naalakkersuisut tunngavilersuutitut taasaat, sikumiit aalisarnermik ilinniartut misilittagaqarnissaannik imalik, tunngavisaaleqinertut taassallugu eqqornerpaavoq, Agathe Fontain, IA sinnerlugu Inatsisartuni ilaasortaq, isumaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq