Innermik anitsisoq toqqaannartumik malinnaavigiuk

Innermilli anitsisoq illit nammineq qanimut malinnaavigisinnaanngorpat.

Islandimi telemut attaveqaat Mila assiliivimmik qaqqap innermik anitsisartup qanittuani ikkussisimavoq, nittartakkamilu mila.is-imi webcam atorlugu qaqqaq innermik anitsisoq malinnaavigineqarsinnaanngorpoq.

Periarfissaq taanna inunnit 8 millioninit maannamut atorneqareerpoq - taakkunannga 1/4 millionit nunanit avannarlerneerlutik. Nutaarsiassaqartitsivimmi Siku Newsimi tamanna allaaserineqarpoq.

Assiliivik kiammit iluaquserneqartartoq aamma ikkunneqarpoq, piumagaannilu innermik anitsisup qullaatsitai kisiisa malinnaavigineqarsinnaapput, piumagaannili Eyjafjallajökulip eqqaata qanoq kissartiginera aamma malinnaavigineqarsinnaalluni.

Attaveqaammi Milami pisortaanerup tullia, Sigurrós Jónsdottir, oqaluttuarpoq, innuttaasorpassuit nunarsuarmit tamaneersut nittartagaq alakkareersimagaat, qaqqaq innermik anitsisoq maanna tusaamasaallunilu aamma tusaamasaanerlutaq malinnaaviginiarlugu.