Innermik anitsinermit eqqugaasut suli utertuujortorput
Islandimi apriilip qaammatani qaqqaq innermik anitsimmmat timmisartut ingerlaarsinnaajunnaarmata, inuppassuit angalaniartut eqqugaapput, ilaallu suli taarsiiffigineqanngillat.
Allattoq Jaaku Lyberth
aggustip 18-at 2010 16:57
Timmisartortitseqatigiiffimmi SAS-imi taamanikkut angalanissaminnut bilitsinik pisisimasut 25.000-it akiliutigisatik tigoreerpaat, taakkualu suliarineqarnerat qaammatinik sisamanik sivisussuseqarsimavoq. Utertoortussat allat 5000-t aningaasassatik suli utaqqivaat.
Qaqqaq innermik anitsimmat SAS timmisartuussisinnaajunnaarami, aningaasanik qanoq amerlatigisunik annaasaqarsimanerluni suli nalunaarutiginngilaa, taamattorli 550 millioni koruunit missaannik annaasaqarsimanissani missingersuutigaa.
Bilitsit akii kisimik pisisunut utertinneqanngillat, ilaasut 4000-t missannik amerlassuseqartut akunnittarfinni inissinneqarnerat nerisaqarnerallu SAS-imit akilerneqarput, SAS-imi tusagassiisartut pisortaat Mikkel Thrane oqarpoq.
