Innarluutillit sullinneqarnerat assigiissinniarpaat
- Piareersaatitut pingaarnerpaatut naammasseriikkatut taarusuppara Sisimiut Maniitsullu kommuniisa innarluuteqarnermut politikki ataatsimoorussamik naammassereermassuk, tassa Sisimiuniikkaluaruit Maniitsumiikkaluaruilluunniit innarluutilittut pisinnaatitaaffiit anguniagassallu assigiipput, taama oqarpoq Maniitsumi borgmesteriugallartoq Mimi Karlsen.
- Apriilimi qinersisoqareerpat qinikkat suliarisussaavaat ikaarsaariarneq qanoq ingerlanneqassanersoq, aningaasatigullu atugassat aaqqissorniartussaallugit. Eqqaamassavarpullu qinersereernerup kingorna kommunalbestyrelsit 2009-ingornissaata tungaanut atagallassammata, arlariillutik suliassaq taanna ingerlattussaammassuk, Mimi Karlsen oqarpoq.