Innarluutillit siunnersorneqartarfissaat piareersarneqarpoq
- Siunnersuisarfissaq innarluutillit pillugit ilisimasanik katersuiffiussaaq, Siunnersuinermik sullissivissap pisortaa Naja Rosing Fleischer oqarpoq
Innarluutit pillugit paasissutissanik pisariaqaritsitsigaanni imaluunniit siunnersorneqarnissamik pisariaqartitsigaanni saaffiginnittoqarsinnaavoq, oqarasuaatikkut, allakkatigut imaluunniit qarasaasiaq internet atorlugu saaffiginnittoqarsinnaalluni, Naja Rosing Fleischer oqarpoq.
Innarluutillit pillugit siunnersuisarfimmut saaffiginissinnaasut killilersorneqanngillat. Innarluutilik innarluutini pillugu siunnersorneqarnissani pillugu saaffiginnissinnaavoq.
Siunnersorneqarnissamik pisariaqartitsillutik saaffiginnissinnaasut, tassaasinnaapput, innarlutilinnik sullissisoq, ilaqutaasut, qanigisat angajoqqaallu.
- Siunnersuisarfissaq Kalaallit Nunaanni pissutsinut naleqqusarneqassaaq.
Innarluutillit atugaasa pitsaanerulernissaat sinertaajuaannassaaq, Naja Rosing Fleischer oqarpoq.
Innarluutilinnik sullissisut amerlasuut ilinniarsimasuunngillat, imaluunniit innarluutit pillugit ilisimasaat annikittarlutik, taamaattumik taakkua atugaasa pitsanngorsarnissaat siunertaralugu, Innarluutillit pillugit Ilisimasaqarfik siunnersuisarfiutigisoq pilersinneqassaaq.
Innarluutillit pillugit Ilisimasaqarfiup Siunnersuisoqarfiutigisup pisortaata Naja Rosing Fleischerip erseqqissarpaa, saaffiginnittarfik novembarip qaammataani pisortatigoortumik atulerumaartoq.
