Innarluutillit sapaatip akunnerat aallartippoq
Sapaatip akunnera una innarluutilinnut sapaatip akunneritinneqarpoq, pingaarnertullu oqaluuserineqassaaq innarluutilinnut ilinniartitaanikkut periarfissat susassaqartitsisarnerlu.
Ilinniartitaaneq susassaqartitaanerlu innarluutilinnut imaannaanngitsuuvoq, taamaaliussagaannimi sungiussiasuunissaq, nutaaliorsinnaaneq nutaanillu isumaliorsinnaaneq pisariaqarput.
Ilaatigut soorlu pisariaqarsinnaavoq illup sullivigisap allannguallatsinnissaa imaluunniit ullup ilaannaa sulisarnissaq periarfissiissutigineqarsinnaavoq.
Taamaakkaluartorli aaqqiissutissanik amerlanertigut nassaarsinnaasoqartarpoq, innarluutillit amerlanerit taamaalillutik ilinniagaqalernissaminnut suliffittaarnissaminnulluunniit periarfissaqalersarput, Ilaqutariinnermut Pisortaqarfik, innarluutillit sapaatip akunneqartinneqarnerannut aaqqissuisuusoq, tusagassiutinut taama nalunaarpoq.
