Innarluutillit sapaatip akunnerat aallartippoq

Innarluutillit akunnerat ullumikkut aallartippoq.

Innarluutillit sapaatip akunneqarneranni qulequtarineqarpoq ”Angerlarsimaffimmi toqqissisimaneq”. Tassa imaappoq, ilaqutariit, innarluutilinnik sullissisut innarluutilinnullu attuumassuteqartut tamarmik angerlarsimaffimminni toqqissisimasariaqarput.

Innarluutillit kattuffianni siulittaasoq Mette Sofie Lerch oqarpoq, sapaatip akunnera una pingaarutilerujussuusoq, pissutigalugu innarluutillit oqaluttuarisinnaassammassuk, nunatsinni innarluuteqarluni qanoq innersoq.

- Sapaatip akunnera una paasissutissiinertut atussavarput, innarluutillit atugarisaat pillugit inuit paasitinniassavavut, taamaasillutik innarluutillit inuunerannut inuit aamma paasinninnerulerniassammata, Mette Sofie Lerch oqarpoq.

Mette Sofie Lerch ilanngullugu oqarpoq, sapaatip akunnera 41-imi ukiut tamaasa innarluutillit sapaatip akunneqaraangata ilaasortat amerleriartartut.

Innarluutillit Kattuffiat nammineq sapaatip akunnerani uani aaqqissuussinngilaq, Mette Sofie Lerchilli nunatsinni immikkoortortaqarfiit kajumissaarpai, sapaatip akunnerani uani namminneq arlaannik aaqqissuusseqqullugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat