Innarluutillit qinngasaarneqartaqaat
Innarluutillit illoqarfimmioqatiminnit qinngasaarneqartartut, Ilulissani Sungiusarfik Ikunngummi Qaqortumilu Ivaaqqami sullissisut saqqummiisarput.
- Taamaammat aalajangerpugut tamanna oqallissaarutiginiarlugu, Kalaallit Nunaanni Innarluutillit Peqatigiiffiisa Kattuffianni siulittasoq, Peter Mikaelsen, oqarpoq.
Ilulissani Sungiusarfik Ikinngutip sannaviani perorsaasoq, Louise Thomsen, oqaluttuarpoq, innarluutillit sullitani illoqarfimmi suliffissarsiuukkaangamigit ajornartorsiortarluni, amerlasuut tunuarsimaartarmata.
- Innarluutillit Nunatsinnut qangali utikaangaluarput, kisianni suli immikkut isigineqarpallaaramik, soorlu pisarialerujussuartut. Taavalu tikilluaqqusinnginneq akuersaannginnerlu malunnartarlutik, Louise Thomsen oqarpoq.
Innarluutillit atugaasa saqqumilaartinneqarneranni ingammik meeqqat inuusuttuaqqallu paasinnilluarnissaat, Peter Mikaelsenip neriuutigaa.
- Oqallittoqalerpat, maani atuarfimmmiit inuusuttullu klubbianniit aggertoqassaaq. Atuartut ilaat qinngasarisarput, soorluttaaq klubbimi taama pisoqartartoq, taamaattumillu taakkua ittui oqallinnemi peqataanissaat neriulluarfigalugit kissaatigaarput, Peter Milkaelsen oqarpoq.
