Innarluutillit pillugit inatsisissaq akuerineqartoq persuarsiutigineqartoq

Inuit innarluutillit tapersersorneqarnissaannut inatsisissaq Inatsisartunit juunip tallimaani akuerineqarpoq, tamannalu malunnartillugu Tiliumi sisamanngornermi kaffillertoqarpoq.

Inatsimmi inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaannik tunngaveqarpoq, inunnillu innarluutilinnik isiginnittariaatsimik allannguilluni.

Tamannalu Innarluutillit illersuisuata Christina Johnsenip nuannaarutigaa. 

- Inuiaqatigiit taamaasillutik pisussaaffeqalissapput inuit innarluutillit tamat naligalugit inuiaqatigiinni peqataanissaannut akimmiiffiiassallugit, Christina Johnsen oqarpoq.

Tamatuma saniatigut inatsimmi illersuisoqarnissamik tapersersorneqarsinnaaneq aamma periarfissaalerpoq. 

- Takusarpavut inuttaasut nukissaaleqisartut, ilaatigullu aalajangiinernut apeqquserneqarsinnaasunut naammangittaalliuuteqartarfinnut, maalaartarfinnut ombudsmandimulluunnit naammangittaalliuuteqarnissaminnut pisinnaasanngitsut, taamaattumik inatsisissap akuerineqarnera nuannaarutigaarput, nunatsinnilu innuttaasut inatsisitaarmata pilluaqqujumavagut, Innarluutillit illersuisuat oqarpoq. 
 

AAMMA ATUARUK Inuit innarluutillit pisinnaatitaaffii ullumikkornit pitsaanerulissasut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat