Innarluutillit pillugit aviiseeraq saqqummerpoq

Sammisassaqartitsinerit, tappiitsuuneq, pisortat suliniutaat. Tamakkuupput innarluutilittut inuuneq pillugu innarluutillit pisortaqarfiillu nutaarsiassaataannik allaaserisat aviisinngortinneranni atuagassaasinnaasut. IPIS - Innarluutillit Pillugit Ilisimasarfik Siunnersuisarfiutigisoq, aviiseeqqamik kalaallisut allatamik siullerpaamik saqqummersitsisuuvoq. Allaatigisalli ilaat qallunaatut atuarneqarsinnaasarumaarput.
Allattoq Apollo Jeremiassen
juulip 02-at 2011 15:49

Aviiseeqqamik saqqummersitsisalernerup siunertaraa, innarluutillit pillugit paasissutissat internetimut isersinnaanngikkaluartunut anngunneqartarnissaat.

Aviiseeqqap siunertarivaattaaq innarluutillit inuiaqatigiinni inooqataanerat ulluinnarnilu inuunerat paasititsiniutigissallugu, taamaalilluni innuttaaqataasut paasinninnerulernissaat anguniarneqarluni.

Aviiseeraq IPIS internettimi ugguuna aamma takuneqarsinnaavoq www.ipis.gl. Tassanittaaq aviiseeqqap imarisaasa ilaat qallunaatut atuarneqarsinnaapput.

'IPIS-immit Nutaarsiassat' ikiumut arfinileriarni saqqummersinneqartassapput.

Taannalu akeqanngitsumik nunaqarfinni illoqarfinnilu qitiusoqarfinnut, tassa kommunit allaffiinut, atuakkanik atorniartarfinnut napparsimmavinnut, innarluutillit ornittagaannut assigisaannullu nassiunneqartassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq