Innarluutillit oqaluttuartinneqassapput

Tamanut ammassumik ataatsimiisitsineq, MIPI-mit aaqqissuunneqartoq, Nuummi Kulturikkut Illorsuarmi, Katuami, ualimut nalunaaqutaq marluniit tallimat tungaanut pissaaq.

Innarluuteqarneq pillugu tamanut ammasumik ataatsimiisitsineq siulleq Sisimiuni qanittukkut aaqqissuunneqarpoq, tassungalu atatillugu Nuummi ataatsimiinneq maanna aaqqissuunneqarluni.

Innarluutit Pillugit Ilisimasaqarfimmit Siunnersuisarfiutigisumit, IPIS-imit, Kommuneqarfik Sermersuumi Ulloq unnuarlu paaqqinnittarfinnik immikkoortortaqarfimmit, Meeqqat Nakorsaannit kiisalu Meeqqanut Inuusuttunullu tunngasunik Siunnersuisarfimmit, MISI-mit, aallartitat ataatsimiinnermi peqataassapput.

Apeqquteqarnissamut oqallinnissamullu periarfissaqassaaq. Toqqaannartumik nutserisoqarumaarpoq, taamaalilluni nammineq oqaaserisat atorlugit apeqquteqartoqarsinnaalluni, MIPI tamanut aggersaanermini nalunaarpoq, ataatsimiinnerlu Katuami nalunaaqutaq marlunut tassa aallartissaaq.