Innarluutillit imminnut paarisariaqartarput

innarluutilinnik sullissinermut aningaasat kommunini atorneqartartut ikippallaarput. Inarluutillit angerlarsimaffiini sulisut napparsimatillugit taartilerneqarneq ajorput, tamannalu PIP-mit sakkortuumik isornartorsiorneqarpoq.
Allattoq Jens Thorin
oktobarip 26-at 2009 10:35

- Innarluutillit inuttulli allatut piginnaatitaaffeqarput, siulittaasoq Kaaliina Skifte oqarpoq.

Perorsaasut ilinniarsimasut 300-niit amerlanerit Nunatsinni ullumikkut amingaatigineqarput.

Innarluutillit angerlarsimaffiini sulisut pikkorissartinneqartarnerat akuttuallaattoq, PIP-p siulittaasua aamma isumaqarpoq.

- Sulilertussat innarluutilik qanoq sullisissanerlugu nalunngittussaavaat. Taamaammat pikkorissarnerit pisariaqarluinnarput. Upernavimmi pikkorissalaarnissarluunniit qanoq ajornartorsiutaatigisoq upernaaq tikeraarnitsinni takuarput, Kaaliina Skifte oqarpoq.

- Innarluutillit sullinneqarnerat pitsaanerulissappat, kommunit arlaannaatigulluunniit sipaartariaqanngillat, Kaaliina Skifte naggasiivoq.