Innarluutillit ilinniarusuttaraluaqaat

Innarluutillit ilinniagaqalerusukkaluartut ilinniarfiit sananeqarnerisa allanngortitertariaqarnerat pissutigalugu, ilinniarnertik kingusissukkut aallartittarpaat, taamatut oqarpoq Nunatsinni Innarluutillit Piginnaanikitsullu Kattuffianni siulitaasoq Mette Sofie Lerch. Innarluutillit pillugit isumasioqatigiinnermi paasineqarpoq innarluutillit innarluuteqaraluarlutik sulisinnaatitaanerat, tamannalu kommuninut atuutinneqarnera kattuffiup malersorniarpaa.

Innarluutillit ilinnialerusukkaluartut aporfeqartarnerat pillugu Mette Sofie Lerch ima oqarpoq:

- Suu aporfeqartsinneqartarput naak inatsiseqaraluartoq immikkoortitsisoqassanngitsoq, soorlu qamutertut atuarfinnut isersinnaasarput, qinnuteqarnerisa kingorna ilinniarfigisassaasa allanngortiterneqarnissaat pillugu kinguartinneqartarput ukioq ataaseq marlulluunniit, tamakkulu pillugit kingumut eqqarsaatigeqqinneqqittariqartut, Mette Sofie Lerch oqarpoq.

Innarluutillit siusinaarlutik suliunnaarnersiuteqalersinneqartarput naak sulisinnaagaluartut tamannalu uterutta kommunini malersorniarpagut Mette Sofie Lerch oqarpoq.

Nunatsinni innarluutilit ilinniagaqalersinnaanerat pillugu naalakkersuisoqarfiit Ilaqutariinnermut, Peqqissutsimut Inuussutissarsiutillu pillugit naalakkersuisoqarfiit suleqatigiissitaliorput, innarluutillit ilinniarfigisinnaasaannik misissuisussanik.

Partii Inuit Ataqatigiit inatsisartut upernaakkut ataatsimiinneranni siunnersuuteqaraluarpoq, inuusuttut innarluutillit ukiuni pingasuni efterskolerfigisinnaasaanik pilersitsisoqarnissamik, siunersuulli inatsisartuni akuerineqanngilaq.