Innarluutillit ilinniarnissaminnik periarfissaqanngillat

Tarnimikkut innarluutillit sisamat massakkut Ilulissani Specialcenterimi atuarput.

Ilulissani Specialcenterimi tarnimikkut innarluutillit atuartinneqartarput. Taakkualu ilaat pillugit Arnaruluk Pedersen Specialcenterimi pisortaasoq ima oqarpoq:

- Massakkut piareeqqalluta allagaqarnikuugaluarpugut 20-nik ukioqalereersimasut sisamat immikkorluinnaq pisariaqartitsisut maani tigummisinnaallugit, kisianni taamannak 20-leereersimasunut tunngatillugu atuarnissaannut suli inatsiseqanngimmat tassa ingerlariaqqissinnaanngilagut,

Tassa annertusisamik immikkut atuartitsinissamut atatillugu tarnimikkut innarluutilinnut inatsiseqannginnerata peqqutigisaanik, aammalumi inatsit malillugu 20-nik ukioqalernissap tungaanaanut meeqqat atuarfianni atuartoqarsinnaanera pissutigalugu tarnimikkut innarluutillit atuarsinnaaminnut suli pisariaqartitsisut matumani eqqugaapput. Arnaruluk Pedersen ima oqarpoq:

-Taava 20-nik ukioqalereeraangata aningaasartassaqannginnamik taamaammat ilinniartitsisunik marlunnik atorfinititsisinnaagaluarluta aningaasat taakkua inatsisitigut aporfiupput 1,20

Qujanartumilli Nuup Kommuneata atuartut ilaata ataatsip 20-nik ukioqalereersup ukioq ilivitsoq atuarnissaa akilerniarpaa, taamaasilluni ilinniartitsisoq ataaseq atorfinitsinneqarsinnaanngortillugu.

Nalinginnaasumik meeqqat 20-nik ukioqalernissaata tungaanut atuartitsineq pisortat akilertarpaat, tarnimikkulli innarluuteqaraanni tamanna tassa atuutinngilaq, itarnimikkut innarluutillit inatsisitigut qanoq pisinnaatitaanersut allassimanngimmat.