Innarluutillit atugarisaat pitsanngorsarusullugit Inatsisartunut qinigassanngortippoq

novembarip 01-at 2005 11:06

Paamiuni najugallip Anne - Louise Lynge-p Inuit Ataqatigiit sinnerlugit inatsisartunut novemberip ulluisa 15-ianni qinigassanngortinnissi aalajangiussimavaa, isumaqarami piffissanngortoq nunatsinni innarluutilinnik sullissineq pitsanngorsaavineqartariqartoq.

Anne - Louise Lynge marlunnik innarluutilinnik meeraqarami nammineq inuttut mislitittagaqarfigilluarpaa nunatsinni innarluutilinnik meeraqartuulluni aporfissarpassuaqartoq:

- Pingaartuuvoq maannakkut nunatsinni innarluutillit iluamik sullinneqarnissaat. Uanga nammineerlunga marlunnik innarluutilinnik meeraqarama ilisimavara angajoqqaavisunut aporfissarpassuaqartoq. Angajoqqaajulluni misigissutsit aqqusaagassat imaannaaggitsuusarput taamaattumillu nipangersimanarsinnaavoq, Anne - Louise Lynge oqarpoq.

Anne - Loiuse Lynge isumaqarpoq inatsisartuni innarluutilinnik pillugit nipeqanngingajannera iliuuseqarfigisariaqartoq.

Anne - Louise Lynge aamma isumaqarpoq, innarluutilinnik sullissisut pikkorissartuarneqarnissaat pingaaruteqartoq.