Innarluutillik illersuisoqarfia atertaartoq

Tilioq taassaavoq Innarluutillit illersuisoqarfiata Sisimiuniittup atertaava, Kalaallit Nunaanni Innarluutillit illersuisuisuat siulleq Christina Johnsen tusagassiuutinut nalunaarummi ilisimatitsivoq. Maanna Tilioq ilisarnaatissaanik innuttaasut isumassarsioqquneqarput, ajugaasarlu akissarsitinneqassalluni.
Allattoq Jaaku Lyberth
decembarip 19-at 2017 15:54

Atit arlallit eqqartuiffigereerlugit innarluutillit illersuisoqarfiat TILIOQ-imik atserneqassasoq aalajangerneqarpoq.

Oqaaseq TILIOQ arlalinnik ajunngitsunik isumaqarpoq. Tilioq tassaasinnaavoq "kammak”, imaluunniit oqqersuummik isumaqarsinnaalluni

Oqaaseq oqqersuut tulluartutut naliliiffigineqarpoq, "illersuisup" suliassaasa ilagimmassuk allat sinnerlugit oqariartuuteqartarnissaq allanilluunniit oqariartorfigineqarsinnaasoq, Christina Johnsen tusagassiuutinut nalunaarummi taama nassiuaateqarpoq. 

Innarluutillit illersuisoqarfiat TILIOQ ilisarnaatissamik pisariaqartitsivoq, tamannalu suliassap tullerivaa. 

Innarluutillit Illersuisoqarfiata siunertaraa,  innnarluutillit pisinnaatitaaffiisa soqutigisaallu inuiaqatigiit akornanni siuarsaaffigissallugit, qanorlu inuit innarluutillit atugaqarnersut suliniarnermi eqqummaariffigineqarnissaat

Taamaattumillu Innarluutillit illersuisoqarfiata atertaava Tilioq-p  isumaa ”oqqersuut” ilisarnaatissami aamma ersersinneqassaaq.  

Ilisarnaat allakkanut, mailinut, saqqummiussassanut, plakatinut, annoncinut, naalunaarutinut nittartakkami assigisaanillu atorneqartassaaq.

Siunnersuutit arfininngornermi januarip  ulluisa 6-iani 2018-mi tunniunneqariissapput. 

Ajugaasoq  4.000,00 kr  akissarsitinneqassasoq, Innarluutillit illersuisuat Christina Johnsen tusagassiuutinut nalunaaruteqarluni taama allappoq.  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq