Innarluutilinnut aningaasartutit kommuninut

novembarip 17-at 2004 14:19

Innarluutilinnik kommunit ikiuiniaraluarlutik suli aporfeqartarput, qitiusumit aningaasaliissutaasartut ikiuinermut atugassat kinguarsaataasarmata. Kommunini isumaginninnermi pisortat tamanna unitseqquaat, innarluutilinnillu ikiuineq ajornannginerusoq angorusullugu.

Innarluutilinnik innarluuteqalersimasunilluunniit ikiuiniartarneq ajornannginnerulersinniarlugu isumaginninnermut pisortat ikiuiniarnermi aningaasartuutini aporfiit piunnaarlugit, ikiuigasuarnissaq ujartorpaat.

- innarluutilinnut aningaasartuutit namminersornerusunit kommuninut isumagisassanngortinneqartariaqartut isumaqinninnermut pisortat isumaqarput.

Ilaqutariinnermut peqqissutsimullu naalakkersuisoq Asii Chemnitz Narup oqarpoq misileraaneq aappaagu nalilersoqqinneqartariaqartoq, siunissamilu iliuusisat aalajangersarneqarlutik. Innarluutilinnik ikiuissatilluni pisortat aningaasaliinermikkut ajornartorsiortarneq 2002-mili qaqilerneqarluni aallartippoq. Namminersornerullutik oqartussat kommunit ilaat isumaqatigalugit ikiuinissami aningaasartuutit ingerlatilerlugit  misileraaneq ingerlanneqalerpoq.

Misileraassutigineqarpoq innarluutilinnik ikiuinermi aningaasartuutit kommuninit namminneq isumaqineqartalerlutik. Siornalu misileraaneq nalunaarusiarineqarpoq. Innarluutilinnik ikiuinermi aningaasartutit misileraalluni kommuninut isumagisassanngortinneqartarneri pitsaaquteqarlutillu ajoquteqarput.

Kommunini politikerit ikiuinissamut kiffaanngissuseqarnerulersitsivoq, ikiuinerlu pitsaanerulerlunilu sukkanerulerpoq. Innarluutilinnik ikiuiniarneq marloqiusaajunnaarsimavoq. Isumaginninnermilu Naminersornerullutik oqartussat immikkoortortaqarfiinut attaveqarneq suli annertuneruliinnarpoq, ikiuigasuarnissamilu siuarsaaniarneq suli aamma amigaateqarpoq.

Kommunini isumaginninnermi pisortat aamma isumaqarput Namminersornerullutik Oqartussat sinerissami immikkoortortaqarfii ingerlatiinnassallugit siunertaaruttut.