Innarluutilik: Piumagaanni angusaqartoqarluarsinnaavoq

Innarluutilik Kuummiuneersoq Karl Boassen 10.000 kr.-nik tallimanngormat innarluutillit ulluanni kajumissaaserneqarpoq, pisussinnaajunnaaraluarluni, tamanna unittoorutiginagu NUKA A/S-imi suliffeqarnini pillugu. Karl Boassen kilisaammi sulilluni 1988-imi ajutoorpoq kørestoliinnalerluni, 1993-imili aperineqarpoq ikiortitut sulerusunnginnersoq.

1993-imi ullup ilaannaani sulisarluni aallartippoq, pisortarli 1997-imi soraarmat pisortanngorusunnginnersoq aperineqarami taamanernit pisortatut nuannaralugu atorfeqalerpoq. Aamma oqarpoq, sulisut tapersersorluarmanni napparsimatinnanilu sulisarami sapertinnani suliuarnissani naatsorsuutigalugu.

Karl Boassenip innaluutillit allat tunuarsimaaginnarnatik suliffissarsiornissaannik kajumissaarpai, sulisitsisumit tatigineqarluni suliffimmillu paarsilluaraanni angusaqartoqarluarsinnaanera eqqaamaqqullugu. Innarluutillit arlalissuit suliffissaqanngitsut tusarfigisarnerarpai aammali sulisitsisut sulisunut qanoq pissuseqartarnerat apeqqutaasarnerarlugu.

Karl Boassenip sunngiffini pinialunnermut aalisarnermullu atortarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat