Innarluuteqaraluarluni ilinniagaqarneq ajornanngilaq

Innarluuteqarnerli ilinniarusussusermut aporfiusariaqanngitsoq Ole Thomsen, 25-inik ukiulik, Nuummi allaffimmi ikiortitut ullumi sulisuusoq oqarpoq.

- Tassa ullumikkut ajunngitsorujussuarmik innarluutilittut inuuvunga. Uannut innarluutilittut taarusuppallaangikkaluarlunga. Ulluinnarni eqqarsaatigivallaarneq ajorakku, Ole Thomsen oqarpoq.

Innarluutiliuninili ilinniarnertuunngornialerami malugaa.

- Aasianni avannaani ilinniarnertuunngorniarfimmut atuariartorlunga takkukkama piareersimanngilluinnaqqissaartut takkuppunga. Takkukkama arriitsunnguamik inissitassat inissikkiartuaarneqarput malinnaatinneqartuarlunga. Aporfiusinnaasullu allat piffissap ingerlanerani aaqqinneqartarmata assut nuannaarutigisarpaa.

Ole Thomsen ilinniarfigisamini Avannaani ilinniarnertuungorniarfimmi Nuummilu Niuernermik Ilinniarfimmi nanginnermini, ilinniarfiit isertarfii inunnut issiavinnik assakaasulinnik atuisunut aqqutilersorneqarsimapput, inillu iserfigisassai piariaqartitaanik atortulersorneqarlutik allaallu inimut qullermut majuartaatilersorneqarlutik.

- Peqqissimineq ajorpunga tamakku aqqusaarsimagakkit. Aaqqitassat aaqqinneqartarmata aammalu aporfiit uniffigineqaannaratik aaqqinneqartarmata.

Ole Thomsen manna suliffigisaminut Nuup Kommuneanut isersinnaavoq. Illoqarfissuarmiutulli inuuneq aporfeqartarpoq.

- Uanga isinni Kalaallit Nunaanni aporfiunerpaajusarpoq soorlu makku isertarfiit tamanit atorneqakkajunnerusartut iserfigisinnaannginnakkit – allaffissuit allallu isertarfeqarniarnerat assorsuaq ilaatigut kipiluttunartarpoq, angut inuusuttoq oqarpoq.

Kisianni neriuutigiuaannarpaa ullut tamaasa tamakku pitsanngoriartinneqarnissaannut suliniartoqarpoq.

- Aamma tamanna upperisuaannarpara.

Ole Thomsenip ilinniarnertuunngoreerami niuernermillu ilinniarfimmi ilinniareerluni sutut ilinnialivinnissani suli eqqarsaatigaa. Periarfissalli killeqannginnerarpai. Ole Thomsen inunnguutsiminik innarluuteqartuuvoq.