Innarlutilinnut aningaasaliissutit misissorneqassapput

Ammassallip kommuneani innarluutilinnut najugaritinneqartut marluk pisiarineqarsimanersut akigineqarsimanersulluunniit kommunemit suli paatsuungassutigineqarpoq.

Taakkua ingerlanneqarnerinut Namminersornerullutik oqartussaniit aningaassaliissutit ukioq manna millionip affaanik amerlassuseqarput, naak ukiuni siuliini 2 millioni koruunit aningaasaliissutaasaraluartut, tamannalu Ammassallip kommuneaniit paasiuminaatsinneqarpoq.

Taamaammat innarluutillit najugaasa marluk ingerlanneqarneri kommunep nammineerluni ukioq manna ukiup affaa siulleq akilerallartariaqarsimallugu.

Ilaqutariinnermut pisortaqarfimmi pisortanngoqqammersoq Søren Rindahl neriorsuivoq suliassaq misissuiffigineqassasoq, aammalu aningaasaliissutit sooq sisamararterutaananngortinneqarsimanersut misissorneqassalluni.

Pisortaqarfimmiit innarluutilinnut sullissinermi aaliangersakkat malinneqartut Søren Rindahl isumaqarpoq, aningaasaliissutillu sooq taamak ikilisimatiginersut akisinnaangikkallarlugu.

Ammassallip kommunianiit suliassaq Isumaginninnermut naammagittaalliuteqartarfimmut suliassanngortinneqareerpoq, tamannalu qanoq inerneqassanersoq kisimi utaqqineqaanalerpoq.

Innarluutillit sisamat najugaqarfimmi najugaqarput, taakkununngalu sullissisut arfineq pingasuullutik

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat