ASSIT Innaarsunni atuartut Kim Kielsen pulaaraat
Naalakkersuisut Siulittaasuannut pulaarnertik iluatsillugu atuartut Naalakkersuisut Siulittaasuannut allagaat marluk tunniunneqarput.
Allakkani pinnguartarfiup meeqqanut navianartorsiortitsisunik sanaartornermut atortunik ilioraavigineqarsimanera kiisalu atuarfiup maanna 33-nik atuartoqartup mikivallaarluni tattoqiffiuvallaarnersimanera iluarsiivigineqaqqupput. Naalakkersuisut.gl taama allaaserisaqarpoq.
Innaarsunni atuartut qulit ilinniartitsisuilu marluk aggustip 24-annili Nuummiipput, ilaatigut KNR, Tele-Post, Nunatta Katersugaasiavia aamma Naluttarfik Malik takusarneqarsimallutik. Atuartut septembarip aappaanni umiarsuarlutik avannamut aallassapput.
Assit qulaani takukkit.