Innaallagissiorfiliorneq ukiunik marlunnik sivisussuseqassaaq
Erngup nukinganik innaallagissiorfik turbinimit siullermit 2012-imi novembarimi innaallagissiorsinnaalissangatinneqarpoq.
Entreprenørit suliffeqarfiutaat E. Phil og Søn Aps suliarinnittussarsiuussinermi ajugaavoq, tassani Nukissiorfiit sanaartortitsisuullutik. Entreprenøri Sisimiuni erngup nukinganik innaallagissiorfiliornermi ilaatigut aamma entreprenøriusimavoq.
Ilulissani innuttaasut sanaartornermi nipiliortunik tusaasaqarnavianngillat. tassami erngup nukinganik innaallagissiorfik Ilulissaniit avannamut-kangimut 50 kilometerit missaannik ungasitsigisumi sananeqassaaq, imeqarfimmiit immap qaanit 187 meterinik portutigisumiittumi.
Imeq nunap iluani innaallagissiorfimmut ingerlatinniarlugu 5-6 kilometerinik takitigisumik putorsualiortoqassaaq. Innaallagissiorfimmi turbinit pingasut ikkunneqassapput, generatoriutitaasut peqatigalugit erngup kuuttup nukinganik innaallagissiortussat, taakkulu Ilulissani innuttaasut namminneq qamissinnaavaat.
Innaallagissiorfik kiassaateqarfiutigisoq taanna uuliamik 6 miilionit liiterit missaanniittumik ukiumut atuisassaaq,, tamannalu imermit kuuttumit nukissamik taarserneqassalluni.
